АҚШ президенти Дональд Трампнинг бойлиги унинг оиласига тегишли Trump Media and Technology Group (TMTG) компанияси акциялари нархи тушиши сабабли сентябрь ойидан бери 1,1 млрд долларга камайди. Бу ҳақда Forbes ёзмоқда.
Нашр маълумотларига кўра, 2025 йил сентябрь ойида Трампнинг бойлиги криптовалютага инвестициялар фонида рекорд даражага етган - 7,3 миллиард доллар. Бу унга Forbes журнали томонидан Американинг энг бой 400 кишиси рўйхатида 201-ўринни эгаллаш имконини берди.
Ҳозирда Трампнинг бойлиги $6,2 млрдни ташкил қилмоқда. 21 ноябрь, жума куни ТМТГ акциялари нархи биткоин ва бошқа токенлар курсининг кескин пасайиши туфайли 10,18 Канада долларигача пасайди.
Аввалроқ Bloomberg Трамп августдан октябргача 82 млн долларлик облигацияларни сотиб олгани ҳақида хабар берганди. Хусусан, гап унинг маъмурияти сиёсатидан зарар кўрган компанияларнинг қоғозлари ҳақида кетмоқда. Сентябрь ойи бошида The Wall Street Journal Трамплар WLFI криптовалютасидан тахминан 6 миллиард доллар ишлаб топгани ҳақида ёзган эди. Ушбу актив уларнинг портфелидаги энг қимматли активга айланди ва кўчмас мулкка инвестицияларни ортда қолдирди.
UCI собиқ вице-президенти Осама Ал Шафар Ўзбекистонда вафот этгани айтилмоқда
Эрон Исроил билан урушда Россиянинг ёрдами ҳақида гапирди
Роналду Трампнинг Саудия Арабистони валиаҳд шаҳзодаси билан кечки зиёфатида иштирок этди
