Доналд Трампнинг тинчлик йўналишида Нобел мукофотини олишга бўлган интилишидан Европа давлатлари унинг Украина бўйича позициясига таъсир кўрсатиш воситаси сифатида фойдаланиши мумкин, деб ёзди The Economist.
Гарчи Норвегия Нобел қўмитасига тўғридан-тўғри таъсир ўтказиш деярли имконсиз бўлса-да, Трамп номзодини илгари суришнинг ўзиёқ АҚШ президенти билан муносабатларни яхшилашга қодир дипломатик ишора бўлиши мумкин.
АҚШ президенти бу мукофотни олишни қанчалик истаётганини очиқ айтмаётган бўлса-да, унинг ўзи ва жамоаси мунтазам равишда Трампнинг халқаро тинчликпарварлик соҳасидаги ютуқларига эътибор қаратиб келади. Хусусан, Трамп олтита халқаро низони ҳал қилишда иштирок этганини ўзи фахр билан айтган. Россия-Украина урушини бартараф этиш орқали эса у «жаннатга киришга» умид қилмоқда.
Тинчлик бўйича Нобел мукофотига Трамп номзодини илгари сурганлар: Озарбайжон президенти Илҳом Алиев, Арманистон бош вазири Никол Пашинян, Камбожа бош вазири Хун Сен, Габон президенти Брайс Олиги Нгема, Исроил бош вазири Бенямин Нетаняҳу, Покистон ҳукумати, Руанда ташқи ишлар вазири Оливе Ндухунгирехе. Бу рўйхатга Европа етакчилари қўшилиши Трампнинг имкониятларини қанчалик оширишини вақт кўрсатади.
Қишлоқ хўжалиги вазири қўлга олинди
Афғонистон дунё давлатларига мурожаат қилди
77 марта қоидабузарлик қилган Шухрат Мусаевнинг «Lacetti»си топилди
