Трампнинг махсус вакиллари Москвага ташриф буюради

Россия-Украина тинчлик жараёни бўйича АҚШ музокарачилари Стив Уиткофф ва Жаред Кушнер яқинда яна Москвага ташриф буюришади.

Бу ҳақда Россия президенти ёрдамчиси Юрий Ушаков Россия ва АҚШ етакчилари Владимир Путин ва Дональд Трамп ўртасидаги телефон суҳбатидан сўнг маълум қилди.

Унинг таъкидлашича, ташриф Украина кун тартиби бўйича давом этаётган алоқалар доирасида келишиб олинган.

"Ҳозирда Эрон ишлари билан яқиндан шуғулланаётган АҚШ президентининг махсус элчилари Стив Уиткофф ва Жаред Кушнер тез орада Россияга қайтишлари ҳақида келишиб олинди", деб таъкидлади Ушаков.