Трампнинг Маск борасида сабр косаси тўлиб бормоқда

АҚШ президенти Дональд Трамп америкалик бизнесмен Илон Маскнинг давлат харажатларини қисқартириш ҳақидаги қонун лойиҳасини танқид қилгани учун сабрини йўқотмоқда. Бу ҳақда The Wall Street Journal нашри ёзмоқда.

"Трампнинг солиқ қонун лойиҳасига миллиардернинг ҳужумлари унинг президент билан муносабатларига путур етказмоқда", — дейилади мақолада.

Газета манбаларига кўра, Маск узоқ вақтдан бери янги қонун лойиҳасидан ҳафсаласи пир бўлган, бироқ бизнесмен Трамп NASA директори лавозимига Жаред Айзекман номзодини қайтариб олгандан кейингина бу борадаги радикал баёнотларга ўтган.

Эслатиб ўтамиз, Маск Трампнинг иккинчи президентлик муддатининг биринчи ойларида АҚШ Ҳукумат Самарадорлик Департаментини (DOGE) бошқарган.