Украина делегацияси Россия томонидан бошланган урушни тўхтатиш бўйича янги музокаралар ўтказиш учун АҚШга борди — Deutsche Welle
Делегация таркибида Украина президенти девони раҳбари Кирилл Буданов, Миллий хавфсизлик ва мудофаа кенгаши котиби Рустем Умеров ҳамда ҳукмрон “Халқ хизматчиси” партияси раҳбари Давид Арахамия бор. Музокаралар бугун Майамида бўлиб ўтади.
"Вашингтоннинг воситачилик ҳаракатлари анчадан бери давом этмоқда. Бироқ Украина NATO'га аъзо бўлиши ва Россиянинг ҳудудий талабларига доир асосий масалаларда Москва ва Киевнинг позициялари фарқ қилмоқда. Россия томони талабларини сақлаб қолмоқда, бу талаблар, Киэвнинг баҳосига кўра, Украинанинг таслим бўлиши билан тенг", дея ёзмоқда DW.
Украинанинг АҚШдаги элчиси Олга Стефанишинанинг маълум қилишича, Майамида хавфсизлик кафолатлари ва “Украина иқтисодий тикланиши” бўйича 690 миллиард еврогача бўлган келишувлар устида иш олиб борилади. Агар вазият ижобий ривожланса, ҳужжатлар келаси ҳафта Давосдаги Жаҳон иқтисодий форумида имзоланиши мумкин.
Шунингдек, хабар берилишича, Майамидаги музокараларда Россия томони иштирок этмаяпти, аммо яқин кунларда АҚШ вакилларининг Москвага ташриф буюриши кутилмоқда. Кремл матбуот котиби Дмитрий Песков олдинроқ Россия урушни тугатиш йўлларини муҳокама қилиш мақсадида АҚШнинг Украина бўйича махсус вакили Стив Уиткофф ва президент Трампнинг куёви Жаред Кушнернинг ташрифига кутилаётганини маълум қилган эди.
"Орешник" зарбаси Ғарб учун сигнал бўлди
Эрон Starlinkни блоклашга муваффақ бўлди
Уч давлат АҚШни Эронга ҳужум қилмасликка кўндиришга ҳаракат қилмоқда
