Трампга иттифоқнинг “янги олтин асри”ни ваъда қилинди

Такаити Трампга иттифоқнинг “янги олтин асри”ни ваъда қилди ҳамда уни Нобел мукофотига номзод қилиб кўрсатишини билдирди.

Оммавий ахборот воситаларининг хабар беришича, Токиода АҚШ президенти Доналд Трамп ва Япония бош вазири Санаэ Такаити ўртасида илк учрашув бўлиб ўтди. Учрашувда Такаити Токио ва Вашингтон ўртасидаги иттифоқчилик муносабатларининг “янги олтин даврини” очишга ваъда берди.

Япониянинг марҳум Синдзо Абэнинг сиёсий вориси ҳисобланган Санаэ Такаити унинг услубини давом эттириб, Трамп учун ҳашаматли қабул ва император билан учрашув ташкиллаштирди. У АҚШ президентига Абэнинг голф таёқчаси ҳамда чемпион Хидеки Мацуяманинг имзоси туширилган голф сумкасини совға қилди. Шунингдек, Такаити Трампни Тинчлик бўйича Нобел мукофотига номзод сифатида кўрсатишни ҳам билдирди.

Трамп эса бунга жавобан Такаитини "ҳақиқий етакчи" деб атаб, унинг Япония мудофаасини кучайтириш борасидаги қатъиятини юқори баҳолади.

Учрашув якунида томонлар ноёб ер элементлари ва стратегик минералларни биргаликда қазиб олиш ва қайта ишлаш бўйича келишув имзоладилар ҳамда Япония томонидан 550 миллиард долларлик инвестиция битимини тасдиқладилар.