Трамп Зеленскийга ташланиб қолди: "Диктатор, ўртамиёна қизиқчи..."

АҚШ президенти Доналд Трамп Украина президенти Владимир Зеленский "ютиб бўлмайдиган урушга кириш" учун АҚШдан 350 миллиард долларни "қўлга киритгани"ни маълум қилди.

"Тасаввур қилинг: ўртамиёна қизиқчи Владимир Зеленский Америка Қўшма Штатларини ғалаба қозониб бўлмайдиган, ҳеч қачон бошланмаслиги керак бўлган, аммо АҚШ ва Трампсиз ҳеч қачон ҳал қила олмайдиган урушга 350 миллиард доллар сарфлашга ишонтирди. АҚШ Европадан 200 миллиард доллар кўпроқ сарфлади, Европа маблағлари кафолатланган, АҚШ эса бунинг эвазига ҳеч нарса олмайди. Нега уйқусираган Жо Байден харажатларни тенглаштиришни талаб қилмади? Ахир бу уруш биздан кўра Европа учун анча муҳимроқ - бизни ажратиб турган катта, гўзал океан бор-ку. Бундан ташқари, Зеленский биз унга юборган пулларнинг ярми ЙЎҚ БЎЛИБ КЕТГАНИНИ тан олмоқда."

У (Зеленский) сайловларни ўтказишдан бош тортмоқда, Украина сўровномаларида унинг рейтинги жуда паст, эришган ягона ютуғи эса - Байденни скрипкадек "чалиш". Сайловсиз диктатор. Зеленский шошилиши керак, акс ҳолда мамлакатидан ажралиб қолади. Шу пайтда биз Россия билан урушни тўхтатиш бўйича музокараларни муваффақиятли олиб бормоқдамиз - буни фақат Трамп ва унинг маъмурияти амалга ошира олади, деб ҳамма ҳисоблайди. Байден ҳатто уриниб ҳам кўрмади, Европа тинчлик ўрната олмади, Зеленский эса, эҳтимол, "молиявий оқим" давом этишини хоҳлаётгандир. Мен Украинани севаман, аммо Зеленский жуда ёмон иш қилди, унинг мамлакати вайрон бўлди ва миллионлаб одамлар беҳуда ҳалок бўлди - ва бу давом этмоқда...," - деб ёзди Трамп ўзининг Truth Social ижтимоий тармоғида.