Давлат департаменти АҚШ президенти Дональд Трамп Исроил ва Эрон ўртасидаги қуролли можаро билан боғлиқ масалалар билан банд бўлгани сабабли Гаагадаги НАТО саммитида қатнашмаслиги мумкинлигини истисно қилмади.
Бу ҳақда АҚШ Давлат департаменти матбуот хизмати раҳбари Тэмми Брюс журналистлар учун ўтказилган навбатдаги брифингда маълум қилди.
Унинг таъкидлашича, Яқин Шарқдаги воқеалар "жуда тез" ривожланмоқда.
"Шундай экан, мен ҳамма нарса бўлиши мумкин, деб айтган бўлардим. Аммо ҳозирча, бу сақланиб қолмоқда", - дея таъкидлади дипломат Трампнинг Гаагага ташрифини ташкил этиш режалари кучда қоладими, деган саволга жавоб берар экан. “Бироқ, албатта, биз президентнинг сафари ҳақида гапиряпмиз, шунинг учун буни Оқ уй ҳал қилади”, деб қўшимча қилди Брюс.
НАТО саммити 24-25 июнь кунлари Гаагада бўлиб ўтади. Унда 45 га яқин давлат ва ҳукумат раҳбарлари, 45 ташқи ишлар ва мудофаа вазири, шунингдек, 6 мингга яқин делегация аъзолари иштирок этиши кутилмоқда. АҚШ ҳукумати аввалроқ Трампнинг саммитда қатнашиш ниятини тасдиқлаган эди.
Даҳшат! Эрон биринчи марта замонавий вертикал ракеталардан фойдаланмоқда
Эрон махсус кучлари уриб туширилган учинчи Исроил самолёти учувчисини қўлга олди
Ута Абе Диёра Келдиёровага "вызов" ташлади
