Трамп яна Европанинг миграция сиёсатини танқид қилди

АҚШ президенти Дональд Трамп Европа мамлакатлари иммиграция сиёсати туфайли учинчи дунё давлатларига айланиш хавфи остида эканлигини айтди.

Америка етакчиси ушбу баёнотни Truth Social ижтимоий тармоқ платформасига жойлаштирди.

"Европа учинчи дунё мамлакатларидан жиноятчиларни қабул қилсангиз, учинчи дунё мамлакатига айланишингизни англаб етмоқда. Бу тезда, кўз очиб юмгунча содир бўлади. Мен ўз вақтида сайландим", деб ёзган Трамп.

АҚШ президенти яна Вашингтоннинг Европа иттифоқчиларини ўзининг фикрича, ҳаддан ташқари юмшоқ иммиграция сиёсати учун танқид қилди. Шунингдек, у ўз маъмуриятининг ноқонуний иммиграцияга қарши кураш чоралари АҚШнинг учинчи дунё мамлакатига айланишига тўсқинлик қилганини айтди.