АҚШ Президенти Дональд Трамп Хитойга ташрифи ва Хитой Халқ Республикаси Раиси Си Цзиньпин билан учрашуви бошқа муддатга кўчирилганини маълум қилди.
Бу ҳақда у Ирландия Бош вазири билан учрашув чоғида журналистларга хабар берди.
«Биз учрашувни кўчирдик ва чамаси, у тахминан беш ҳафтадан кейин бўлиб ўтади. Мен Раис Си билан учрашишни интиқлик билан кутяпман», — деди Трамп.
Унинг сўзларига кўра, томонлар музокараларни ташкил этиш устида ишлашда давом этмоқдалар ва Хитой муддатлар ўзгаришига розилик берган.
«Биз Хитой билан ишлаяпмиз, бу уларни қаноатлантирди», — дея қўшимча қилди у.
Трамп, шунингдек, АҚШ ва Хитой ўртасида «жуда яхши ишчи муносабатлар» шаклланганини қайд этди ва учрашув беш-олти ҳафта ичида ўтказилиши мумкинлигини тасдиқлади.
Эрон мусулмон давлатларига чақириқ билан чиқди
Эрон Исроилга ўта оғир баллистик ракеталар билан кучли ҳужум уюштирди
Трамп дунё давлатларидан ёрдам сўради
