Трамп ўзини “божлар қироли” деб атади

Дональд Трамп ўзини “божлар қироли” деб атади ва АҚШнинг Гренландия устидан назоратига қарши чиққан давлатларга божлар жорий этиш билан таҳдид қилди.

"Агар давлатлар Қўшма Штатларнинг Гренландияга бўлган даъволарига рози бўлмаса, уларга нисбатан божлар жорий қилишим мумкин, чунки Гренландия бизга миллий хавфсизлик учун зарур", — деди АҚШ президенти Оқ уйда бўлиб ўтган тадбирда.

Трамп сўнгги ҳафталарда бир неча бор Қўшма Штатларнинг Даниянинг автоном ҳудуди Гренландияга бўлган даъволарини билдирган.
Аввалроқ Европанинг етти давлати, жумладан Франция, Германия ва Буюк Британия, минтақадаги хавфсизликни мустаҳкамлаш ҳамда Данияга 2026 йил охирида режалаштирилган йирик ҳарбий машғулотларга тайёргарлик кўришда ёрдам бериш мақсадида Гренландияга разведка миссияси доирасида ўз ҳарбийларини юборишини эълон қилган эди.

Оқ уйда таъкидланишича, ҳарбийларнинг юборилиши Трампнинг Гренландияни АҚШга қўшиб олиш истагига таъсир кўрсатмайди.