Трамп ўз фикридан қайтяптими? АҚШ Миллий гвардияси қўшинлари Портленд ва Чикагодан чақириб олинмоқда

АҚШ Миллий гвардияси қўшинлари Портленд ва Чикагодан чақириб олинмоқда
Пентагон 16 ноябрдан бошлаб АҚШ Миллий гвардиясининг Чикаго ва Портленддан илгари жойлаштирилган юзлаб аскарларини чақириб олади.

Бу ҳақда АҚШ расмийларига таяниб, The New York Times нашри хабар берди.

Нашрнинг қайд этишича, Калифорния Миллий гвардиясининг 200 га яқин аскарлари Портленддан ва тенг миқдордаги Техас Миллий гвардияси аскарлари Чикагодан чақириб олинмоқда. Улар ўз ватанларига қайтадилар.

Манбаларга кўра, Пентагоннинг юқори мартабали амалдорлари яқинлашиб келаётган байрамлар арафасида, шунингдек, федерал суднинг Гвардиянинг оператив жойлаштирилишини тўхтатганлиги сабабли қўшинларни чақириб олишга қарор қилган.

300 га яқин аскар Чикаго ҳудудида қолади.