Трамп Украинанинг музокаралардаги позициясини заифлаштирмоқда

АҚШ президенти Дональд Трамп маъмурияти Россия билан музокараларда Украинанинг позициясини заифлаштирмоқда.

Бу ҳақда Business Insider ёзмоқда.

Мақолада таъкидланишича, халқаро ҳамкорлар ёрдамисиз Украина бу қадар катта ҳудудни ушлаб тура олмаган бўларди, бироқ “ўша ҳамкорлар кўпинча уни жанг майдонидами ёки музокаралар столидами, қийин аҳволга солиб қўйишади”.

Трамп туфайли Киев позициясининг ёмонлашганига мисол сифатида нашр журналистлари Украинага унинг минерал ресурсларидан фойдаланиш ҳуқуқини АҚШга ўтказиш масаласида босим, Европа Иттифоқининг Украина бўйича музокаралар иштирокчилари қаторидан чиқарилиши, Украинанинг НАТОга аъзо бўлишдан бош тортгани ва Украинага Америка маълумотларини тақдим этишдан воз кечишини келтиришди.

Россия қўшинларининг ҳужуми давом этаётган бир пайтда Украина энергетика объектларига ҳужумларни тўхтатишга рози бўлишдан ташқари, Россия Украина ёки АҚШга деярли ҳеч қандай ён бермагани таъкидланади.