Кремл АҚШ билан Ар-Риёдда ўтказилган музокаралар натижалари бўйича расмий баёнот эълон қилди

Баёнотга кўра, томонлар Қора денгиз орқали дон экспортини қайта тиклаш ва кемалар хавфсизлигини таъминлаш бўйича келишувга эришган.

Шунингдек, Қўшма Штатлар Россиянинг қишлоқ хўжалиги маҳсулотлари ва ўғитлар экспортини халқаро бозорга қайтаришда ёрдам беришга рози бўлган.

Кремлнинг қайд этишича, бу келишув фақатгина бир қанча шартлар бажарилганидан сўнг амалга ошади, xусусан:

▪️ “Россельхозбанк” ва халқаро озиқ-овқат савдосида иштирок этувчи бошқа молиявий ташкилотларга қўйилган чекловлар олиб ташланиши керак;

▪️ Портларда Россия кемаларига хизмат кўрсатишига тўсқинлик қилаётган чекловлар бекор қилиниши шарт;

▪️ Россия байроғи остида сузaдиган кемалар учун санкциялар бекор қилиниши лозим.