Трамп: "Украинага қурол етказиб беришда давом этяпмиз, аммо энди..."

АҚШ президенти Дональд Трамп мамлакат Украинага Европа Иттифоқи орқали қурол-яроғ етказиб беришни давом эттираётганини маълум қилди.

Унинг таъкидлашича, Вашингтон шу пайтга қадар Киевга 350 миллиард долларлик ҳарбий техника ва ускуналар берган ҳамда бунинг учун ҳеч қачон пул талаб қилмаган.

"Биласизми, мен ҳозир ҳам Украинага қурол-яроғ етказиб беряпман. Буни Европа Иттифоқи орқали амалга оширяпман, аммо улар энди бизга барча етказиб берилган қуроллар учун тўлиқ ҳақ тўламоқда", — деди Трамп Fox News телеканалига берган интервьюсида.