Трамп Украина ва Ғазодаги можароларга қандай барҳам беришни режалаштираётганини айтди

АҚШнинг сайланган президенти Дональд Трамп Украина ва Яқин Шарқдаги можароларни қандай ҳал қилишни режалаштираётгани ҳақида гапирди.

Трамп бу ҳақда Newsmax нашрига берган интервьюсида маълум қилган.

У Украинадаги можарони ҳал қилиш учун Россия президенти Владимир Путин билан учрашув зарурлигини айтиб, ҳар икки етакчи ҳам бу учрашувни интиқлик билан кутаётганини таъкидлади.

“Биламан, Путин учрашмоқчи ва тезроқ учрашмоқчиман, лекин аввало АҚШ президенти офисига боришимиз керак", — деди у.

Унинг сўзларига кўра, учрашувни тезлаштириш ва можарони ҳал қилиш истаги “жанг майдонидаги катта қурбонлар” билан боғлиқ.

Трамп Ғазо секторидаги аҳоли пункти атрофидаги вазиятга ҳам изоҳ берди. Шу муносабат билан у Яқин Шарқдаги можаро томонлари ўртасида Ғазо секторида ўт очишни тўхтатиш ва Фаластиннинг ХАМАС ҳаракати томонидан гаровга олинганларни озод қилиш бўйича келишув яқин кунларда тузилишини таъкидлади.

"Биз буни амалга оширишга жуда яқинмиз. Улар буни қилишлари керак. Агар қилмасалар, у ерда улар илгари ҳеч қачон кўрмаган муаммолар кўп бўлади. Улар бўлади", - дея таъкидлади Трамп.