Трамп тез орада Путин билан суҳбатлашмоқчи эканини айтди

АҚШ президенти бу ҳақда Россия Украинага 2022 йил февралида кенг кўламли босқин бошланганидан буён энг йирик дрон ва ракета ҳужумини амалга оширгандан кейин маълум қилди.

"У ердаги вазиятдан мамнун эмасман. Биз бу муаммони ҳал қилишимизга ишончим комил. Лекин мен бу урушга алоқадор бўлган барчадан ва ҳозирги ҳолатдан норозиман. Яқин бир неча кун ичида Путин билан суҳбатлашаман", — деди Оқ уй раҳбари Мэриленд штатидаги Эндрюс ҳарбий-ҳаво базасида журналистларга.

АҚШ президенти, шунингдек, Россияга қарши санкцияларни янада кучайтиришга тайёрлигини билдирди.

Бундан ташқари, Доналд Трамп душанба ёки сешанба куни Европа етакчилари Украина масаласини муҳокама қилиш учун Қўшма Штатларга келишини маълум қилди.