АҚШ президентлигига Республикачилар партиясидан номзод Доналд Трамп ноябрь ойида бўлиб ўтадиган сайловларда ғалаба қозонса, яна Россия етакчиси Владимир Путин билан тил топишишга умид қилишини айтди . Бу ҳақда собиқ президент Х ижтимоий тармоғида америкалик тадбиркор, ижтимоий тармоқ эгаси Илон Маскга берган интервьюсида маълум қилди.
Унинг сўзларига кўра, президентлик даврида у Владимир Путин билан «жуда яхши» муносабатларга эга эди. Трампнинг таъкидлашича, узоқ вақтдан бери муҳокама қилинаётган Россия билан алоқалар бўйича даъво қилинган айбловларга қарамай, унинг Россия раҳбари билан ўзаро муносабатлари ижобий бўлган. Трамп Путинни яхши билишини ва у билан дўстона муносабатларга эга эканлигини ҳамда Россия президенти унга ҳурмат кўрсатишини таъкидлади.
Сиёсатчи, шунингдек, Россия раҳбарини «яхши музокарачи» деб билишини айтди. Шу билан бирга, у Оқ уйнинг амалдаги раҳбари Жо Байден Украинани НАТОга қабул қилиш имкониятига йўл қўйиб, аҳмоқлик қилганини таъкидлади .
Хитой ва Япониядан кейин Россия ҳам шу таклифни бермоқда
РФ учун яна бир “бош оғриқ” пайдо бўлди
Дания АҚШ тажовузи бўлса, Россияга мурожаат қилишни таклиф қилди
