Трамп Россия ва Хитой билан таъсир доиралари бўйича кенг кўламли келишув тайёрлаётган бўлиши мумкин

АҚШ президенти Дональд Трамп потенциал равишда Россия ва Хитой билан таъсир доираларини ажратиш бўйича келишув тайёрлаётган бўлиши мумкин.

Бу ҳақда The New York Times хабар бермоқда.

Номи ошкор этилмаган таҳлилчиларга кўра, Трампнинг хатти-ҳаракатлари ва баёнотлари "XIX аср императорлик сиёсати руҳида" Москва, Пекин ва Вашингтон дунёнинг маълум қисмларида куч марказлари бўладиган дунёни қурмоқчи, деган хулосага келиш имконини беради.

Америка етакчисининг кучлар мувозанатини ўзгартириш ва янги жаҳон тизимини барпо этиш истаги, жумладан, Гренландия, Канада ва Панама канали устидан назоратни қўлга киритиш зарурлиги ҳақидаги баёнотларидан далолат беради.

Шу билан бирга, Дональд Трампнинг биринчи президентлиги даврида NYT агентлигига интервью берган АҚШ собиқ президент маъмуриятининг баъзи расмийлари унинг ҳаракатлари ҳеч қандай стратегияга асосланмаганига амин.