Трамп Россия Украинадаги урушда ғалаба қозонади, деб ҳисоблайди, — Зеленский

"Менимча, Трамп буни очиқчасига айтган ва у бу фикрини атрофидаги бир нечта одамларга ҳам билдирган", — деди Украина президенти ABC News телеканалига берган интервюсида.

Зеленский Россия мазкур урушда ғалаба қозонаётганига ишонмаслигини таъкидлади.

"Путин ҳозирги шароитда, агар дунё бирлашса ва бизнинг тарафимизда бўлса, бу урушда ҳеч қачон ғалаба қозона олмайди. Бу имконсиз. Демак, у фақат жуда узоқ йиллар давом этадиган ва санкциялар бўлмайдиган урушдагина ғалаба қозониши мумкин", — дея фикр билдирди Украина етакчиси.

Шунингдек, Зеленский агар АҚШ Украинага ёрдамни тўхтатса, Россиянинг ғалаба қозониш эҳтимоли ошишини ҳам қайд этди.