Трамп Путинни Мадуро каби қўлга олиш амалиётини ўтказишга зарурат йўқлигини айтди

Fox News телеканали мухбири Питер Дуси брифинг чоғида Трампдан "Путинни қўлга олиш бўйича топшириқ берасизми?", деб сўради.

"Менимча, бунга ҳожат йўқ. Мен ҳар доим у билан яхши муносабатда бўлганман. Бироқ ундан кўнглим қолган", — дея жавоб қайтарди Оқ уй раҳбари.

Шунингдек, Трамп Украина ва Россия ўртасида тинчлик келишуви тузилиши чўзилаётганидан норозилигини билдириб, бу масала ўзининг сайловолди дастурида устувор вазифа бўлганини таъкидлади.

"Мен саккизта урушга барҳам берганман. Мен Украина урушини ўртача даражада, балки энг осонларидан бири бўлади, деб ўйлагандим. Биласизми, Питер, сўнгги бир ой ичида улар 31 минг одамини йўқотди, уларнинг кўпи рус аскарлари. Бундан ташқари, Россия иқтисодиёти ёмонлашмоқда. Менимча, биз бу урушни тўхтатиш бўйича келишувга эришамиз", — деди АҚШ президенти.