Собиқ президент Доналд Трамп Россия президенти Владимир Путинни шу ҳафта бўлиб ўтган маҳбуслар алмашинуви муносабати билан табриклаб, россиялик кучли шахс Совуқ уруш тугаганидан бери амалга оширилган энг йирик келишувнинг бир қисми сифатида АҚШ расмийларини доғда қолдирганини айтди.
«Шанба куни бўлиб ўтган митингда Трамп келишув бўйича озод этилган америкалик маҳбусларнинг ҳеч бирини, жумладан, АҚШ ҳукумати уйдирма деб қоралаган айбловлар билан бир йилдан кўпроқ вақт давомида қамоқда сақланган Wалл Стреэт Жоурнал мухбири Эван Герцҳковични тилга олмади. Келишувга оид аввалги изоҳларида у маҳбусларнинг бирортасини ҳам исмини тилга олмаган, фақат АҚШ ҳукуматини танқид қилган», деб ёзади WSJ.
«Мен Владимир Путинни яна бир ажойиб иш қилгани билан табриклайман. ... Бизда 59 нафар гаровга олинганлар бор, мен ҳеч қачон ҳеч нарса тўламаганман. ... йигитча, биз даҳшатли ва яна даҳшатли битимлар тузяпмиз», деди Трамп.
У келишув устида бир неча ой ишлаган АҚШ расмийларидан ҳеч бирини тилга олмаганини қайд этади нашр.
WSJ'нинг маълум қилишича, аслида, Трамп 2017 йилда Пхеняндан уйига жўнатилган комадаги Виржиния университети талабаси Отто Уормберни озод қилишда тиббий тўловлар учун Шимолий Кореяга 2 миллион доллар тўлаш бўйича келишувга рухсат берган. Трамп бу сумма ҳеч қачон тўланмаганини даъво қилади. Уормбиер қайтиб келганидан кейин тез орада вафот этган.
Трамп журналист ҳибсга олинганининг биринчи йилида Герцҳкович ҳақида гапиришни истамади, лекин ниҳоят май ойида уни озод қилишга чақирди. Собиқ президент Путин билан яқин муносабатлари ҳақида бир неча бор мақтанган. Путин уни ҳурмат қилишини ва агар Трамп президент бўлганида ҳеч қачон Украинага бостириб кирмаган бўларди, дейди.
Усейн Болт, Криштиану Роналду ва туяқуш ўртасидаги пойгада ким ғалаба қозонади?
Туркманистон СССРга қарши кураш эълон қилди
Офицерлар оммавий равишда ишдан бўшамоқда
