Трамп Путин билан яна гаплашганини маълум қилди — Deutsche Welle

АҚШ президенти Россия етакчиси билан сўнгги марта 18 август куни, Зеленский ва Европа етакчилари билан Оқ уйда музокаралар ўтказганида гаплашган эди.

Матбуот анжуманида журналистларнинг "Ўшандан бери Путин билан гаплашдингизми?", деган саволига Трамп: "Ҳа, мен у билан яна мулоқот қилдим", деб жавоб берди.

Журналистлар Қўшма Штатлар президентидан сўнгги суҳбат қандай ўтганини сўрашганда, у шундай жавоб берди: "Путин билан бўлган ҳар бир суҳбатим яхши ўтган. Афсуски, мулоқотимиздан кейин Киевга ёки Украина нинг бошқа ҳудудига бомбалар ташланади ва мен бундан жудаям ғазабланаман".