Трамп Путин билан шу ҳафтада учрашиши мумкин

Доналд Трамп шу ҳафтада Владимир Путин билан музокаралар ўтказиши мумкинлигига ишонмоқда. Бу ҳақда Reuters хабар берди.

Аввалроқ АҚШ президентининг махсус элчиси Стив Уиткофф шу ҳафтада Москвага боришни режалаштиргани, бироқ Путин билан учрашув ҳозирча тасдиқланмагани ҳақида CNN телеканали манбага асосланиб хабар берганди. Музокараларда айнан ким иштирок этишига манба аниқлик киритмаган.

12 феврал куни икки мамлакат раҳбарлари телефонда мулоқот ўтказганди. Суҳбат салкам бир ярим соат давом этган. Украинадаги урушни тугатиш кераклигига Путин ва Трамп рози бўлган. Ўша суҳбатда президентлар юзма-юз учрашиш имкониятларини ҳам муҳокама қилишганди.