АҚШ президенти Дональд Трамп 15 август куни Аляскада россиялик ҳамкасби Владимир Путин билан учрашувда Украинадаги уруш контекстидаги ҳудудлар масаласини кўтармоқчи эмас.
Бу ҳақда NBC телеканали манбаларга таяниб хабар берди.
"Трамп чоршанба кунги қўнғироқ чоғида Европа етакчиларига бу ҳафта Аляскада Путин билан ҳудудлар бўлинишини муҳокама қилмоқчи эмаслигини айтди”, — деди манба.
Манбанинг қўшимча қилишича, Трамп ва Европа етакчилари тинчлик музокаралари бошланишидан аввал Украинада ўт очишни тўхтатишга эришиш кераклиги ҳақида келишиб олган.
Суҳбатдан хабардор бўлган яна икки манба Европа етакчилари Трампнинг Путин билан учрашиш режаларига ижобий муносабатда эканлигини маълум қилди.
Улардан бири учрашувда ўт очишни тўхтатиш Трамп учун устувор масала бўлишини айтди. Иккинчиси Украина ҳудуди Украина иштирокисиз муҳокама қилинмаслигига ишонч билдирди.
Келаётган ҳафта Ўзбекистонда совуқ ҳаво кутилмоқда
Муҳаммад Салоҳ жазоланадиган бўлди
Мигрантлардан норози бўлаётган экспертларга қўлига супурги олишни маслаҳат бераман — Собянин
