АҚШ президенти Пенсилвания штатидаги пўлат қуйиш заводида сўзлаган нутқида, бу қадам маҳаллий пўлат саноатини ва миллий ишлаб чиқаришни рағбатлантиришга хизмат қилишини, шунингдек, Хитойга бўлган қарамликни камайтиришини таъкидлади.
Доналд Трамп, шунингдек, US Steel ва Япониянинг Nippon Steel компаниялари ўртасидаги ҳамкорлик орқали минтақада пўлат ишлаб чиқаришга 14 миллиард доллар инвестиция киритилишини айтди.
"Ҳеч қандай ишдан бўшатишлар ёки ишлаб чиқаришни бошқа мамлакатларга топшириш бўлмайди. Ҳар бир америкалик пўлатчи тез орада 5 минг долларлик муносиб мукофот олади", — деди Трамп корхона ишчилари олдидаги чиқишида.
Президент нутқининг катта қисмини Қўшма Штатларнинг энг йирик пўлат ишлаб чиқарувчиси — Питтсбургдаги US Steel компаниясини қандай қилиб ўзининг 2018 йилдаги биринчи президентлик даврида жорий этган пўлат импортига 25 фоизлик бож ставкалари орқали "ҳалокатдан қутқаргани"га бағишлади.
Пўлат импортига бож ставкаларини ошириш бўйича бу баёнот Трампнинг бир қатор савдо божлари қонунийлигига оид суд жараёни фонида янгради. Апелляция суди ҳозирча божларни сақлаб қолишга рухсат берган. Мазкур суд жараёни пўлат ва алюминий импортига қўйилган бож ставкаларига тааллуқли эмас.
Даҳшат! Вафот этган 88 ёшли аёл тобутда ҳушига келди
Зеленский Кличконинг сўзларидан сўнг жиддий огоҳлантириш юборди
БАА бош мураббийи мухлисларга мурожаат билан чиқди
