Трамп Польша ҳалқини янги президент билан табриклади

АҚШ президенти Дональд Трамп Польшани "ўз иттифоқчиси" Кароль Навроцкининг янги президент этиб сайлангани билан табриклади.

Newsmax телеканали Польшада бўлиб ўтган президентлик сайловлари натижалари ҳақида "Трампнинг иттифоқчиси Польшада ғалаба қозониб, Европада ҳаммани ларзага келтирди" сарлавҳаси остида мақола чоп этди.

Бу ҳақда АҚШ президенти Truth Social ижтимоий тармоғидаги мурожаатида айтиб ўтди.

"Табриклайман, Польша, сиз ғолибни танладингиз!", деб ёзди у.

Бундан ташқари, сайланган Польша раҳбарини АҚШ Давлат департаменти раҳбари Марко Рубио ўзининг Х ижтимоий тармоғидаги саҳифасида табриклади. У янги президент Навроцкининг келиши билан Польшада "янги саҳифа" бошланишини таъкидлади. АҚШ Давлат котиби Польша ва Қўшма Штатлар мудофаа, энергетика ва савдо бўйича кенг кўламли қўшма режаларга эга эканлигини таъкидлади. У бу "энг шуҳратпараст иттифоқ" бўлишига ишонтирди.