AҚШ собиқ президенти Дональд Трамп Олимпиадада учинчи ўринни эгаллаб, бронза медалини қўлга киритган америкалик футболчиларни танқид қилди. Унинг сўзларини The Independent нашри келтиради.
«Aгар радикал маняклар гуруҳи бошқарадиган бизнинг футбол жамоамиз ижтимоий муаммоларга шунчалик берилиб кетмаганида эди, бронза эмас, олтин медални қўлга киритган бўларди. Фақат сиёсат ҳақида ўйласангиз, ютқазасиз. Бизнинг футбол жамоамизда айнан шундай эди”, - дея таъкидлади Оқ уйнинг собиқ раҳбари.
Трамп жамоада ватанпарварларнинг камлигидан афсусланиб, "ёлланма аскарлар"ни ўз ватанини севадиган фуқаролар билан алмаштиришни маслаҳат берди. Шунингдек, у спортчиларга Қўшма Штатлар ва давлат мадҳиясини кўпроқ ҳурмат қилишни тавсия қилди.