Трамп махфий маълумотларнинг тарқалиши можаросини "кичик хатолик" деб атади

АҚШ президенти Дональд Трамп NBC News телеканалига берган интервьюсида Signal мессенжерида Яман ҳутийларига зарба бериш режалари муҳокамаси чоғида тасодифий махфий маълумотларнинг сизиб чиқиб кетиши билан боғлиқ жанжал ҳақида яна бир бор изоҳ берди.

Трамп ўзининг миллий хавфсизлик бўйича маслаҳатчиси Майк Уолтц ва мудофаа вазири Пта Хегсетни ҳимоя қилди. "Мен одамларни ёлғон хабарлар ёки жодугар овига асосланган ҳолда ишдан бўшамайман", деди Америка президенти ва Уолтц ҳам, Хегсет ҳам ўзининг тўлиқ ишончидан баҳраманд бўлишларини таъкидлади.

"Бу икки ой ичида содир бўлган ягона хато ва бу жиддий эмас эди", деди Трамп.

Ўтган ҳафта The Atlantic журналисти Жеффри Голдберг уни тасодифан шахсий Signal суҳбатига таклиф қилганини маълум қилди, у ерда Мудофаа вазири Пит Хегсет Вице-президент Жэй Вэнс, Миллий хавфсизлик бўйича маслаҳатчи Майк Уолтц ва Давлат котиби Марко Рубио билан Ямандаги ҳутий нишонларига зарба бериш режаларини муҳокама қилди. Нотўғри таклифнома Уолтц томонидан юборилган. Шундан сўнг Уолтцнинг истеъфога чиқиши мумкинлиги ҳақида миш-мишлар пайдо бўлди.