Агентлик хабарига кўра, Илон Маск бошқарган Ҳукумат самарадорлиги департаменти (DOGE) ўз мандатининг тугашига саккиз ой қолганида фаолиятини тўхтатган. Reuters бу ҳақда федерал ҳукуматнинг Кадрлар бошқармаси директори Скотт Купорга таяниб ёзмоқда.
"DOGE мавжуд эмас. У энди марказлаштирилган тузилма ҳисобланмайди", — деди Купор DOGE'нинг ҳолати ҳақидаги саволга жавобан.
Reuters маълумотларига кўра, DOGE'нинг кўплаб функцияларини Кадрлар бошқармаси (федерал ҳукуматнинг кадрлар агентлиги) ўз зиммасига олган. Агентлик таъкидлашича, бу Трамп маъмуриятининг DOGE фаолиятининг тўхтатилиши борасидаги илк изоҳи ҳисобланади.
Бироқ ёздан бери президент ва унинг жамоаси департамент амалда мавжуд эмаслигини билдириб келган. Шу билан бирга, Доналд Трамп ўз президентлигининг бошларида DOGE 2026 йил июлигача фаолият юритиши кераклиги ҳақидаги фармонни имзолаган эди.
Ҳукумат самарадорлиги департаменти (DOGE) фаолияти натижасида юзлаб давлат хизматчилари ишдан бўшатилган. DOGE давлат харажатларини ўнлаб миллиард долларга қисқартиришга муваффақ бўлганини даъво қилган, бироқ мустақил молиявий экспертлар буни тасдиқлай олмаган, чунки департамент ўз фаолияти ҳақида батафсил очиқ ҳисобот тақдим этмаган.
Ўзбекистонликлар ва туркманистонликларнинг қаршилигига қарамай Роғун ГЕС қурилиши давом этади
Жиззахда Lacetti ва юк машинаси иштирокидаги "авария"да 5 киши ҳалок бўлди
Эрон Исроил билан урушда Россиянинг ёрдами ҳақида гапирди
