Путин келаси ҳафта Қирғизистонга келади

Путин келаси ҳафта Марказий Осиё давлатларидан бири Қирғизистонга келади

Россия Президенти Владимир Путин келаси ҳафта Қирғизистонга давлат ташрифи билан боради ва у ерда бошқа тадбирлар қаторида Бишкекда бўлиб ўтадиган Коллектив Хавфсизлик Шартномаси Ташкилоти (КХШТ) саммитида иштирок этади.

Россия раҳбари бошқа халқаро алоқалар ва телефон орқали суҳбатларни ҳам режалаштирган. Путиннинг келаси ҳафтадаги дастурига 26-28 ноябрь кунлари бўлиб ўтадиган Ёш олимларнинг 5-конгресси иштирокчилари билан учрашув ҳам киритилган.