Кил Жаҳон иқтисодиёти институти (IfW) экспертлари ҳисоб-китобларига кўра, бошқа давлатлардан импорт қилинадиган маҳсулотларга солинган божларнинг 96 фоизи АҚШ импортчилари ва истеъмолчилари томонидан тўланмоқда.
Тадқиқотчилар АҚШга етказиб берилган маҳсулотлар бўйича 25 миллиондан ортиқ маълумотни таҳлил қилиб, президент Трамп божларни жорий этганидан кейин мамлакат даромадлари қарийб 200 миллиард долларга ошганини аниқлади. Бироқ хорижий экспортчилар бу юкнинг атиги 4 фоизини ўз зиммасига олган.
IfW хулосасига кўра, бож тўловлари амалда америкалик харидорлар учун импорт маҳсулотларига қўшимча “истеъмол солиғи” вазифасини бажармоқда. Институт тадқиқотлар директори Юлиан Хинтснинг AFP агентлигига айтишича, божлар асосан чет давлатлар зиммасига тушаётгани ҳақидаги қарашлар ҳақиқатга тўғри келмайди ва барча харажатларни америкаликлар тўлаяпти.
АҚШ Эрон нефть экспортининг 90 фоизини назорат қилувчи Харк оролини эгаллашни режалаштирмоқда
Эроннинг янги олий раҳбари сайланди, аммо...
Кўрфазда АҚШ учун нохуш вазият
