АҚШ президенти Дональд Трамп Сеулдан Корея Республикасида ижарага олинган йирик ҳарбий базага эгалик ҳуқуқини Америка томонига ўтказишни сўрашни кўриб чиқмоқда.
Бу ҳақда Америка етакчиси Оқ уйда жанубий кореялик ҳамкасби Ли Чже Мён билан учрашуви аввалида журналистлар саволларига жавоб берар экан, айтиб ўтди.
"Ва, эҳтимол, мен қилмоқчи бўлган нарсалардан бири улардан бизда катта қалъа бўлган ерга эгалик ҳуқуқини беришларини сўрашдир", деди Трамп. У гап катта ҳарбий база ҳақида кетаётганини тушунтирди. Вашингтон маъмурияти раҳбари: "Биз ижарадан қутула олишимизни, улкан ҳарбий базамиз бўлган ерга эгалик қилишимиз мумкинлигини кўришни истардим".
У Жанубий Кореяда жойлашган АҚШ қўшинлари сонини қисқартириш имконияти ҳақида изоҳ беришдан бош тортди. “Ҳозир бу ҳақда гапиришни истамайман, чунки биз дўст бўлганмиз ва дўст бўлиб қоламиз”, деб таъкидлади Трамп. АҚШ президенти Корея Республикасида 40 мингдан ортиқ америкалик ҳарбийлар жойлашганини эслатди.
