Трамп: «Европа Иттифоқи Россияга энергия ресурслари учун 250 миллиард доллар тўлаган»

АҚШ президенти Дональд Трамп Европа Иттифоқи мамлакатлари Россиядан энергия ресурслари сотиб олиш учун 250 миллиард доллар тўлаганини маълум қилди.

У бу ҳақда ўзининг Truth Social ижтимоий тармоғидаги саҳифасида ёзди.

«Европа Иттифоқи Россияга энергия ресурслари учун 250 миллиард доллар тўлади. Сохта ахборот воситалари эса бу мавзуга ҳатто яқинлашишни ҳам истамаяпти», — деб ёзди Трамп.

АҚШ президенти ўз баёнотида Европа мамлакатларининг Россия энергетика ресурслари учун амалга оширган тўловларига эътибор қаратди ва оммавий ахборот воситаларини ушбу масалани етарлича ёритмаётганликда айблади.