Трамп Эроннинг барча нефт қудуқлари ва Харк оролини йўқ қилиш билан таҳдид қилди

АҚШ президенти бу ҳақда ўзининг Truth Social ижтимоий тармоғидаги саҳифасида маълум қилди.

"Агар Теҳрон бирор сабабга кўра яқин орада келишувга рози бўлмаса ва Ҳўрмуз бўғози зудлик билан “бизнес учун очилмаса”, биз Эрондаги “ташрифимизни” уларнинг барча электр станциялари, нефт қудуқлари ва Харк оролини (эҳтимол, барча сувни чучуклаштириш қурилмаларини ҳам) портлатиб, бутунлай йўқ қилиш билан якунлаймиз. Биз ҳозиргача уларга атайлаб тегмагандик.

​Бу Эрондаги “террорчи режим”нинг 47 йиллик ҳукмронлиги давомида шафқатсизларча ўлдирган кўплаб аскарларимиз ва бошқа инсонлар учун қасос бўлади", — деб ёзди Доналд Трамп.

​У, шунингдек, Вашингтон Эроннинг “янги ва анча оқил” ҳукумати билан можарони якунлаш бўйича музокаралар олиб бораётганини қўшимча қилди.