Трамп: Эрон Хормуз бўғозини очишни сўради

АҚШ президенти Дональд Трамп Truth Social платформасида Эрон АҚШдан Хормуз бўғозини очишни сўраганини маълум қилди.

Унинг ёзишича, Вашингтон Эрон портларига кириш ва чиқишни 13-апрелдан бошлаб чеклаганидан кейин вазият янада кескинлашган.

Трампнинг таъкидлашича, Эрон ҳозирда “таназзул ҳолатида” ва ички раҳбарлик муаммоларини ҳал қилишга ҳаракат қилмоқда. Шу сабабли Теҳрон АҚШдан Хормуз бўғозини тезроқ очишни талаб қилган.

Эрон учун Хормуз бўғози муҳим стратегик йўл ҳисобланади: у орқали кунлик миллионлаб баррел нефть экспорт қилинади. АҚШ чекловлари жорий этилганидан кейин экспорт ҳажми кескин камайган.

Ҳозирда Вашингтон ва Теҳрон ўртасида музокаралар давом этмоқда, аммо ядровий дастур ва минтақавий масалалар бўйича келишмовчиликлар сабабли жараён тўхтаб қолган.