Трамп Эрон ҳокимиятини куч ишлатиш билан огоҳлантирди

АҚШ президенти Дональд Трамп Эронда намойишчиларга қарши ўқ отилса, Вашингтон куч ишлатиш чораларини кўриши мумкинлигини билдирди. Бу ҳақда у Оқ уйда нефть компаниялари раҳбарлари билан учрашувдан сўнг журналистларга маълум қилди.

Трамп АҚШ Эронда давом этаётган норозилик намойишларини диққат билан кузатаётганини таъкидлади.

«Эронда жуда катта муаммолар бор. Менимча, халқ айрим шаҳарларни назоратга олмоқда. Яна бир неча ҳафта олдин бу мумкин, деб ҳеч ким ўйламаган эди. Биз вазиятни жуда диққат билан кузатяпмиз», — деди у.