АҚШ президенти Дональд Трамп Эрон билан “йирик келишув”га эришиш мумкинлигини айтди. Унинг билдиришича, Покистонда ўтаётган музокаралар ижобий натижа бериши кутилмоқда.
Трамп CNBC телеканалига берган интервьюсида АҚШ Эрон билан бўлган вақтинчалик келишувни узайтириш ниятида эмаслигини таъкидлади. Унинг айтишича, Вашингтон музокараларда кучли позицияга эга.
Президент Эрон ядровий қуролга эга бўлмаслиги шарт эканини алоҳида қайд этди. У келишув бўлмаса, АҚШ қаттиқ чоралар кўриши мумкинлигини ҳам билдирди.
Маълумотларга кўра, АҚШ ва Эрон делегациялари Покистон пойтахти Исломободда музокараларнинг навбатдаги босқичини ўтказмоқда. Илк босқич келишувсиз якунланган эди.
Ҳозирча музокаралар натижаси номаълум, вазият эса минтақадаги кескинлик сабаб диққат билан кузатилмоқда.
Италия ОАВлари Макроннинг Жоржа Мелони билан учрашувдаги ҳаракатларини кескин танқид қилди
Теҳрон Эрон кемасини қўлга олганидан кейин АҚШ ҳарбий кемаларига ҳужум қилди
Вашингтон Теҳронга таклиф берди
