Трамп дронлар Путин қароргоҳига йўналтирилган бўлса, бу «ёмон» эканини айтди

АҚШ Президенти Дональд Трамп Россия етакчиси Владимир Путин билан бўлган бугунги суҳбатини самарали деб атади ва Путин унга Новгород вилоятидаги ўз қароргоҳига нисбатан эҳтимолий ҳужум уриниши ҳақида хабар берганини маълум қилди.

Трампнинг сўзларига кўра, суҳбат Майами вақти билан соат 8:00 да (Гринвич вақти билан 13:00, Москва вақти билан 16:00) бўлиб ўтган.

💬 Бу менга ёқмади. Бу ёмон 💬, — дея CNN Трампнинг Исроил бош вазири Биньямин Нетаньяху билан Флорида штатининг Мар-а-Лаго қароргоҳида бўлиб ўтган учрашуви олдидан айтган сўзларини келтиради (аввалроқ шу ерда Трамп Владимир Зеленский билан ҳам учрашган эди).

Трамп ҳужум ҳақидаги даъволар ёлғон бўлиши, эҳтимол умуман ҳужум бўлмаган бўлиши мумкинлигини тан олди, аммо шундан сўнг бу ҳақда унга Путиннинг ўзи айтганини қўшимча қилди. Унинг таъкидлашича, бу ҳақда у ҳозиргина билиб олган ва тафсилотларни билмайди.

💬 Бу ҳақда менга ким айтганини биласизми? Президент Путин. У эрталаб қўнғироқ қилиб, ўзини ҳужумга учрадим, деди. Бу ёмон, 💬 — деди Трамп ва ҳозир «бундай ишлар учун энг мос вақт эмас»лигини қўшимча қилди.