Трамп бугун Зеленский билан учрашишини маълум қилди

Давосдаги Жаҳон иқтисодий форумида сўзга чиққан АҚШ президенти Доналд Трамп кейинроқ Украина президенти Володимир Зеленский билан учрашишини эълон қилди.

"Украина ва Россия жуда кўп одамларини йўқотди. Мен президент Путин билан мулоқот қиляпман ва, менимча, у келишув тузишни истайди. Мен президент Зеленский билан ҳам мулоқотдаман ва, менимча, у ҳам келишувга тайёр. Мен бугун Зеленский билан учрашаман. Балки у ҳозир шу залда бўлиши ҳам мумкин. Бу урушни тўхтатиш керак, чунки жуда кўп одамлар беҳуда ҳалок бўляпти. Мени бу масалага қизиқтираётган ягона сабаб ҳам шу", — деди Трамп.