АҚШ президенти Дональд Трамп Бразилиядан импорт қилинадиган маҳсулотларга қўшимча 40 фоизлик бож жорий этиш тўғрисидаги фармонни имзолади ва божларнинг умумий миқдорини 50 фоизга етказди.
Бу ҳақда Оқ уй матбуот хизмати хабар берди.
Таъкидланишича, тарифлар Бразилия ҳукуматининг миллий хавфсизлик, ташқи сиёсат ва АҚШ иқтисодиётига таҳдид соладиган, шунингдек, “Америка компанияларига, АҚШ фуқароларининг сўз эркинлиги ҳуқуқларига зарар етказувчи” ҳаракатлари туфайли юзага келган, гўёки, чора-тадбирлар доирасида киритилмоқда.
Оқ уйнинг таъкидлашича, Бразилия ҳукумати “Америка компаниялари ва фуқароларига, жумладан, Бразилия Олий суди судьяси Александр де Мораес орқали сиёсий сабабларга кўра таъқиб, цензура ва босим ўтказмоқда”. Бундан ташқари, ижроия қарори судья де Мораес, унинг иттифоқчилари ва уларнинг оила аъзолари учун виза чекловларини назарда тутади. Оқ уйнинг таъкидлашича, бу ҳаракатлар сўз эркинлиги, бизнес ва АҚШнинг миллий манфаатларини ҳимоя қилишга қаратилган.
Мактабларда 1 сентябрдан смартфондан фойдаланиш тақиқланади
АҚШ Конгрессига номзод Валентина Гомес Қуръонни ёқиб юборди
Кападзе: "Агар терма жамоамизни Бенту бошқарадиган бўлса, хайрли бўлсин дейман"
