Фаластиннинг ХАМАС ҳаракати томонидан барча исроиллик гаровга олинганларнинг қайтарилиши Ғазо келишувининг иккинчи босқичига тўлиқ эътибор қаратиш имконини беради.
АҚШ президенти Дональд Трамп бу ҳақда Axios нашрига берган интервьюсида айтиб ўтди.
Унинг сўзларига кўра, ХАМАС кеча Ғазо секторида сақланаётган охирги исроиллик гаровга олинган Ран Гвилининг қолдиқларини қайтаришга кўмаклашган.
"Улар (ХАМАС вакиллари) жасадни қайтариб бериш учун жуда кўп ишладилар. Улар бу масалада Исроил билан ҳамкорлик қилишди. Бу қанчалик қийин бўлганини тасаввур қилишингиз мумкин", деди Трамп.
У барча гаровга олинганлар, ҳам тирик, ҳам ўлик ҳолда, Исроил томонига қайтарилганига аниқлик киритди. Вашингтон маъмурияти раҳбари бу воқеани ўзининг тинчлик режасини амалга ошириш учун муҳим лаҳза деб атади ва энди эътиборни келишувнинг иккинчи босқичига тўлиқ қаратиш мумкинлигини таъкидлади.
Трамп вазиятни Исроил Бош вазири Беньямин Нетаньяху билан аллақачон муҳокама қилганини айтди.
"Ҳеч ким барча гаровга олинганларни қайтариб беришимизга ишонмаган эди. Бу ажойиб лаҳза эди. Энди биз ХАМАСни ваъда қилганидек қуролсизлантиришимиз керак", деб қўшимча қилди Америка етакчиси.
Россия Ўзбекистон фуқароларини мамлакатдан мажбуран чиқариб юборди (видео)
Одилхон қори Юнусхон ўғли суд залида ҳибсга олинди
Саратоннинг давоси топилди!
