Трамп АҚШнинг Венесуэла томонидан ўғирланган нефть ҳуқуқларини қайтармоқчи

АҚШ президенти Дональд Трамп Вашингтон Венесуэла томонидан ўғирланган нефть ҳуқуқларини қайтариш ниятида эканини айтди.

Трамп бу ҳақда 17 декабрь куни Вашингтон яқинидаги Эндрюс ҳарбий-ҳаво базасида журналистлар билан суҳбат чоғида маълум қилди.

"Унутманг, улар бизнинг барча энергетика ҳуқуқларимизни олдилар. Улар яқинда нефтга бўлган ҳуқуқимизни олдилар, биз эса уларни қайтариб олишни хоҳлаймиз. Улар уларни ноқонуний олиб кетишди" - деди Америка раҳбари.