Унинг таъкидлашича, юз минглаб одамлар АҚШ ҳудудида туғилган болаларга фуқаролик бериш бўйича Конституцияга киритилган тузатишни суиистеъмол қилиб келган.
"Бу катта бизнесга айланиб кетган эди. Биз бу ноқонуний бизнесни тўхтатамиз", — деди АҚШ президенти.
Энди хорижликлар АҚШда фарзанд кўриш орқали мамлакат фуқаролигини ололмайди. Трамп туғилиш бўйича фуқаролик бериш тартибини чеклаш ҳамда “туғруқ туризми”га қарши чораларни кучайтиришга қаратилган иккита фармонни имзолади.
АҚШда Конституциянинг 14-тузатиши мамлакатда туғилган деярли ҳар бир болага фуқаролик ҳуқуқини беради. Бу тартиб 1868 йилдан бери амал қилади. 1898 йилда эса Олий суд уни хорижлик ота-оналар фарзандларига ҳам татбиқ этган. ОАВнинг ёзишича, Трампнинг бу фармони судда Конституцияга зид деб топилиши мумкин.
Миграция сиёсати институти маълум қилишича, АҚШда ҳар йили “туғуруқ туризми” орқали тахминан 22 000 дан 26 000 гача чақалоқ дунёга келади. Институт тақдим этган ҳукумат маълумотларига кўра 2024 йилда хорижий манзилга эга бўлган оналардан 9 600 нафар бола туғилган.
Марказий Осиёда энг кўп олтин кимнинг қўлида жам бўлган?
Олимлар Ер аҳолиси сонини босқичма-босқич камайтириш ғоясини илгари сурди
Юлия Мендель Зеленскийни ёлғон ваъдалар ва ҳокимиятда қолиш учун урушдан фойдаланишда айблади
