Дональд Трампнинг маълум қилишича, Қўшма Штатлар яқин келажакда Эроннинг стратегик аҳамиятга эга Харк ороли ва бошқа нефть инфратузилмаси объектлари устидан назорат ўрнатиши мумкин.
“Унчалик узоқ бўлмаган келажакда биз Харк ороли ва Эроннинг бошқа нефть инфратузилмаси объектларини назорат қиламиз. Худди Венесуэлада бўлгани каби”, — деди Трамп Truth Social ижтимоий тармоғида.
АҚШ раҳбарининг таъкидлашича, бундай сценарий ҳам Вашингтон, ҳам энергия бозори учун фойдали бўлиши мумкин.
Харк ороли Эрон нефть экспорт тизимининг асосий марказларидан бири ҳисобланади. Таҳлилларга кўра, АҚШ ва Исроилнинг ҳарбий операциялари бошланишидан олдин мамлакат нефть экспортининг қарийб 94 фоизи айнан шу орқали амалга оширилган.
Орол инфратузилмасининг кунлик ўтказиш қуввати тахминан 7 миллион баррелни ташкил этади. Маълумотларга кўра, 2025 йил март ойидан 2026 йил март ойигача Харк ороли терминаллари орқали 553 миллион баррелдан ортиқ Эрон нефти жаҳон бозорига етказиб берилган.
Трампнинг баёноти Вашингтон ва Теҳрон ўртасидаги кескинлик сақланиб қолаётган бир пайтда янгради. Ҳозирча Эрон томони мазкур баёнотга расмий муносабат билдирмаган.
47°C иссиқликда тонг ҳам, тун ҳам йўқ: Ҳиндистоннинг энг иссиқ ҳудудида бир кун
Тимми исмли кит биоёқилғига айланади
Куба фуқароларга қурол тарқатишни бошлади
