Donald Trampning ma’lum qilishicha, Qo‘shma Shtatlar yaqin kelajakda Eronning strategik ahamiyatga ega Xark oroli va boshqa neft infratuzilmasi ob’ektlari ustidan nazorat o‘rnatishi mumkin.
“Unchalik uzoq bo‘lmagan kelajakda biz Xark oroli va Eronning boshqa neft infratuzilmasi ob’ektlarini nazorat qilamiz. Xuddi Venesuelada bo‘lgani kabi”, — dedi Tramp Truth Social ijtimoiy tarmog‘ida.
AQSh rahbarining ta’kidlashicha, bunday ssenariy ham Vashington, ham energiya bozori uchun foydali bo‘lishi mumkin.
Xark oroli Eron neft eksport tizimining asosiy markazlaridan biri hisoblanadi. Tahlillarga ko‘ra, AQSh va Isroilning harbiy operasiyalari boshlanishidan oldin mamlakat neft eksportining qariyb 94 foizi aynan shu orqali amalga oshirilgan.
Orol infratuzilmasining kunlik o‘tkazish quvvati taxminan 7 million barrelni tashkil etadi. Ma’lumotlarga ko‘ra, 2025 yil mart oyidan 2026 yil mart oyigacha Xark oroli terminallari orqali 553 million barreldan ortiq Eron nefti jahon bozoriga yetkazib berilgan.
Trampning bayonoti Vashington va Tehron o‘rtasidagi keskinlik saqlanib qolayotgan bir paytda yangradi. Hozircha Eron tomoni mazkur bayonotga rasmiy munosabat bildirmagan.
47°C issiqlikda tong ham, tun ham yo‘q: Hindistonning eng issiq hududida bir kun
Timmi ismli kit bioyoqilg‘iga aylanadi
Kuba fuqarolarga qurol tarqatishni boshladi
