Трамп АҚШ қўшинлари Мексикадаги наркокартелларга зарба беришини айтди

Доналд Трампнинг сўзларига кўра, АҚШ денгиз орқали Венесуэладан мамлакатга гиёҳванд моддалар етказиб беришни деярли тўлиқ тўсиб қўйишга эришган, энди эса қуруқлик орқали Мексикадан етказиб беришга қарши курашни кучайтирмоқчи.

"Биз денгиз орқали бўлаётган наркотрафикнинг 97 фоизини тўсиб қўйдик, энди эса қуруқликда наркокартелларга қарши зарбалар бера бошлаймиз. Бу мамлакат қандай ёмон аҳволга тушиб қолганини кўриш жуда оғир. Мексикадаги ҳамма ишни наркокартеллар юритмоқда ва улар ҳар йили бизнинг мамлакатимизда 250–300 минг кишини ўлдирмоқда", — деди Трамп Fox News телеканалига берган интервюсида.

АҚШ президенти Мексикага зарбаларнинг муддати ва кўлами ҳақида аниқлик киритмади.