Трамп 8 майни Иккинчи жаҳон урушидаги Ғалаба куни деб эълон қилди

АҚШ президенти Дональд Трамп 2026 йил 8 майни Иккинчи жаҳон урушидаги Ғалаба куни деб эълон қилди.

Оқ уйнинг расмий баёнотида таъкидланишича, бу сана Америка ва иттифоқчиларнинг Европада “зулм ва ёвузлик устидан қозонган буюк ғалабаси” рамзи ҳисобланади.

Баёнотда 1945 йил 8 май куни фашистик Германия мағлуб бўлгани ва бу воқеа “озодлик тарихида ҳал қилувчи бурилиш нуқтаси” бўлгани қайд этилган.

Дональд Трамп АҚШ ҳарбийларининг қаҳрамонлигини алоҳида таъкидлаб, нацизмга қарши урушда 250 мингдан ортиқ америкалик ҳалок бўлганини эслатди.