Жорий йил 25 август куни Тошкент шаҳридаги хусусий тиббиёт марказларидан бирида ўтказилган ринопластика жарроҳлик амалиёти давомида 9 ёшли бемор вафот этди. Ҳолат юзасидан Бош прокуратура матбуот котиби муносабат билдириб, ҳозирда текширув ишлари олиб борилаётганини маълум қилди.
Маълумотларга кўра, бола амалиётдан бир ҳафта олдин тиббий кўрикдан ўтган. Бироқ операция жараёнида кутилмаган ҳолат юз бериб, унинг ҳаётини сақлаб қолишнинг иложи бўлмаган.
Ҳодиса юзасидан шаҳар прокуратураси текширув бошлаган. Терговга қадар ҳаракатлар доирасида ҳолатга алоқадор шахслар сўроқ қилинмоқда, юзлаштириш ишлари ва мураккаб экспертизалар тайинланган. Жиноят кодексининг 116-моддаси (касб юзасидан ўз хизмат вазифаларини лозим даражада бажармаслик) билан жиноят иши қўзғатилган.
Барча зарур тергов ҳаракатлари ўтказилганидан сўнг иш бўйича қонуний тўхтамга келинади, дейилади хабарда.
Янги ўқув йилининг бошланиш саналари тасдиқланди
Жаҳонгир Позилжанов, Озодбек Назарбеков, Дилшод Мусабековлар унвон ва орденлар билан тақдирланди
Тошкент кўчалари бўйлаб одамларга ташланган буқа отиб ўлдирилди
