Жорий йилнинг 26 июн куни соат 17:00дан 27 июн соат 18:00гача «Гран-При Тошкент–2021» халқаро картинг мусобақаси ўтказилади.
Пойтахт ҳокимлиги хабарига кўра, шу муносабат билан шаҳардаги бир неча кўчаларда ҳаракатланиш чекланади.
Улар:
Шаҳрисабз кўчасининг Афросиёб кўчасидан Амир Темур шоҳкўчасигача бўлган қисми;
Амир Темур шоҳкўчасининг Ислом Каримов шоҳкўчасидан Шаҳрисабз кўчасигача бўлган қисми;
Якуб Колас кўчасининг Тарас Шевченко кўчасидан Амир Темур шоҳкўчасигача бўлган қисми;
Тарас Шевченко кўчасининг Ислом Каримов шоҳкўчасидан Шаҳрисабз кўчасигача бўлган қисми.
Ушбу йўл қисмларидаги тирбандликларнинг олдини олиш мақсадида ҳайдовчиларга айланма йўллардан фойдаланиш тавсия қилинган.